استمارة التطوع في مهرجان بغداد دار السلام التاسع

بكل حب نعلن عن انطلاق استمارة التطوع في مهرجان بغداد دار السلام التاسع

شنو معنى نعيش سوية بهاي المدينة الي اسمها الاصلي دار السلام

شبابنا بكل سنة نضج وكبر ويا مفهوم السلام، مفهوم الحب والمبادرة والعطاء لبغداد

هدفنا لهاي السنة نعزز وننشر ريادة السلام بشكل اوسع من قبل 

#شبابنا_رواد_السلام

حيكون الهاشتاك السنوي

لمهرجان بغداد دار السلام التاسع

للانضمام الى عائلة المهرجان من خلال الرابط ادناه

http://bit.ly/BCOPC2019VolunteerForm

IQPeace Media Team 2019

قصة زهراء مع مدينة بغداد

مرحبا

اني زهراء مديرة قسم تحليل البيانات بشركة تسويق الكتروني

قصتي بلشت وية المهرجان سنة 2016، جان من المخطط انه بعد التخرج اهاجر خارج العراق وابني حياة جديدة بغير مكان، لكن احد الاصدقاء اللي جانوا بهذيج السنة ضمن متطوعين المهرجان كلي ليش متجين تتطوعين ويانه بفريق الاعلام الاجتماعي

اقتنعت وقدمت وجان عندي وقت فراغ حبيت استثمره، بديت وية الفريق واني مااعرف شنو يعني سوشيال ميديا لكن خلال فترة التحضيرات وبالتدريبات اللي حصلتها حول موضوع الاعلام الاجتماعي وكيفية ادارة وسائله خلتني اتعلم اكثر

بنفس الفترة, جانت نظرتي عن مدينة بغداد سلبية لان الضغوطات اللي نواجهها من المجتمع سواء بالشارع او بالكلية وحتى من الاهل كلها تدفع باتجاه عدم الاستمرار بالحياة ببغداد, لكن خلال التحضيرات واختلاطي وية فرق المهرجان كدروا الاشخاص الموجودين ينطوني انطباع ايجابي وافضل عن المدينة

بعد السنة الاولى بالمهرجان كمت اطلع اكثر واكتشف اماكن حلوة وجديدة بالنسبة الي ببغداد, وبديت اشوف الجانب الحلو  للمدينة هذا الشي خلاني استمر واصر على انو اكون شخص اكتف بالمجتمع واكمل حياتي هنا

بالتحديد خلال الايام الاخيرة من مهرجان بغداد دار السلام 2017 و نتيجة لشبكة العلاقات اللي كونتها عن طريق المهرجان، نفس الشخص اللي دربني على السوشيال ميديا اعلن عن وظيفة بشركته ونتيجة المهارات اللي اكتسبتها بالمهرجان خلال السنتين كدرت اقدم على هذه الوظيفة وانقبل وبعد مرور فترة بالشغل طورت نفسي لدرجة مكنتني انو اكو مديرة قسم تحليل البيانات

بالنهاية احب اكوللكم دائما اكو فرصة تغيرون مسارككم بالحياة وتتأقلمون وية الظروف وتخلقون فرص الكم وللجيل القادم

شكراً الكم

IQPeace Media Team 2018

Zahra’s story with Baghdad!

Hello, I’m Zahra’; manager of the Data Analysis Department in E-Marketing company.

My story with the carnival started in 2016 when I was planning to emigrate from Iraq after my graduation and start a new life in another place, but one of my friends who was a volunteer in the carnival of 2016 suggested joining their social media team.

I was convinced by the idea so that I applied to be a volunteer since I’ve got a spare time I’d like to make use of it! So I began with the social media team without having any idea about it! But I learned a lot during the period of preparations and rehearsing that I got about the social media and how to run its means.

Meanwhile, I used to have a negative viewpoint about Baghdad. The pressure I faced from every side whether the community, family, college or the street was telling the impossibility of having a good life in here. However; the preparations as well as communicating with the carnival’s other teams have succeed to leave a positive and better impression about the city.

After the first year for me in the carnival, I’ve started going out more and more discovering new and beautiful sights in Baghdad. A step that made me sense the good side of the city to continue as well as insist of being an active member in the community and to live here for the rest of my life.

Through the final days of Baghdad City of Peace Carnival 2017 particularly, the many relationships I’ve made have to pay off so the same friend who rehearsed me on social media stuff has offered me a job in his own company. The skills I gained from the carnival during the two years qualified me to apply for the job and got the approval! After a while, I improved so much of myself at work in a way that nominated me to be the manager of the Data Analysis Department for the company I’m working for.

At the end, I’d like to say the chance is always there to change your life and adjust with the circumstances. Furthermore, create new opportunities for both you and the coming generation too.

Thank you!

خوش مساحة شبابية

أقل من عشرة دقائق من النظرة الجديدة للمساحة الشبابية لشباب بغداد

في بغداد عادة من الصعوبة اي شاب او شابة يلكون مساحة لدعم مواهبهم, قدراتهم, احلامهم وشغفهم

تقريبا جيل التسعينات وما بعده الي كانت فترة شبابهم ما بين 2006 الى 2011 عاشوا هل الشي بشكل قوي ,, تريد تعزف موسيقى باي مكان متكدر, ترسم بالشارع ممنوع او حتى تصوير اماكن عامة في بغداد كانت تعتبر تحدي جبير جدا وغيرها من الامثلة الكثيرة

لذلك شباب بغداد وبعد سنوات من العمل التطوعي والتنقل ما بين المقاهي والكافيهات لاجل لقائاتهم, والاجتماعات في مؤسسات مختلفة حبوا يصنعون مكانهم الخاص بيهم, مكان يكون انطلاقة جديدة لاحلامهم وتطوير مواهبهم 

شنو مساحة شبابية بالنسبة لهم؟!!

هم يشوفون المساحة الشبابية مكان همة بي احرار بتفكيرهم وطريقة حياتهم, مكان من تفكر بفكرة جديدة مفيدة وجنونية حتلكة الي يسويها وياك وللنهاية يكمل وياك ويدعمك, مكان تكدر تطرح بيهة اي فكرة ممكنة التطبيق او غير ممكنة, مكان ياخذون بي وقتهم الكافي للأستراحة والتفكير بأنفسهم واحلامهم وطموحاتهم

تبدي مساحة الشباب بغرفة مربعة صغيرة صنعوا فيها اثاث صناعة يدوية من اخشاب تستخدم لنقل البضائع (سكيبات) وجذع شجرة انتهى عمرها ل تتحول الى مظلة تضيئ الغرفة والخشب, مع القليل من الملصقات الصغيرة وتركوا الجزء الاعلى من الغرفة فارغ ,, لكي تكون مساحة عرض شعارات ولوكوات المبادرات والاماكن الشبابية الموجودة في بغداد وجمعها في مكان واحد سوية  ولكي تكون على شكل رسالة واضحة تبين اتحاد المبادرات والاماكن والحملات والفرق التطوعية الشبابية سوية لهدف واحد هو بغداد 

المساحة الشبابية يشوفوهة على شكل غرفة للموسيقى سووهة بنفسهم وسوولها باب عازلة للصوت علمود لا تأثر على بقية المكان وعلكوا بيهة الالات موسيقية قديمة عاشت فترة طويلة من الزمن لينتهي بها المطاف وية الشباب وتدريباتهم الموسيقية

يجسدوهة على شكل قاعة للتدريبات والاجتماعات وعرض الافكار, بديكور مختلف التصميم عن ما هو سائد في بغداد, عجلة سيارة(تاير) ملون هنا وهناك للجلوس , (كرويته) قديمة بغدادية الطراز و كيتار والالات موسيقية منتهية الصلاحية معلقة على جدران القاعة تم اعادة استخدامها لكي تنير ايامهم وذكرياتهم 

اما القاعة المجاورة لقاعة التدريبات فهي ايضا مساحة للاجتماعات والتدريبات المختلفة , في احدى زواياها المنخفضة قاموا باعمار الحائط بطريقة غريبة جدا! بأستخدام قطع من لعبة (الليغو) الشهيرة وترتيبها بطريقة تكمل الجزء المفقود من الحائط , اما في زاوية اخرى قاموا بأعادة استخدام صناديق مختلفة الاحجام انتهت الحاجة اليها في بيوتهم ليكونوا حائط المفاجئات وتبادل الرسائل والتذكارات 

مساحة شبابية مثلوها ب منصة (ستيج) مرتفع نوعا ما يطل على حديقة كبيرة كان قبل سنوات طويلة وبعيدة (طرمة) تستخدم كأستراحة للعائلة البغدادية يقضون فيها عصرونياتهم الجميلة ,, ليتحول الان الى منصة لأقامة الفعاليات الشبابية المختلفة في الهواء البغدادي الطلق 

اما في الطابق العلوي فكانت الحكاية مختلفة, كانت رؤية الشباب في تصميم الغرفة العلوية من مركزهم الشبابي مختلفة ,, الى حد صنعهم لطابق ثاني من الحديد مع درج ومخزن من الخشب ,, وتصاميم بتوجه حديث لكي تكون هذه الغرفة هي مكان للعمل الجاد بكل هدوئ وايضا مقر لمشروع ناشئ مختص بترتيبات المناسبات المختلفة اسمه (نفاخة) حيث استقر هناك 

هذا الغرفة تحتوي على شرفة جميلة جدا, لكونها مكان مرتفع محاط بالاشجار والهواء النقي وعبق رائحة التراث البغدادي الاصيل 

واخيرا المساحة الشبابية التي نفذوها الشباب كانت من ضمنها مكان للشواء, ومكان للجلوس في الهواء الطلق في الحديقة ومساحات صغيرة اخرى مختلفة 

كل هذه المساحات موجودة ومتوفرة لكل شباب وبنات بغداد الطموحين الفعالين في مجتمعهم ولديهم نظرة ايجابية تجاه بغداد 

جميع هذه المساحات موجودة في سنتر الشباب , مركز السلام ال 

IQPeace Center 

IQPeace Media 2018

“جالسين بسلام ، في ارض السلام ، وعلى نغمات السلام ..”

الديوانية مدينة للسلام للسنة الثانية على التوالي 

مهرجان الديوانية للسلام الثاني شهد نشاط اوسع من النسخة الاولى. اذا شارك في المهرجان 25 متطوعا تقسموا على اربع فرق و15 كشكآ مختلفا واستقطب المهرجان قرابة ال 2000 متابع. وبحضور اعلامي محلي ودولي  وقام برعاية المهرجان 6 من الداعمين ما بين شركات ومنظمات المجتمع المدني. تراوحت فترة التطوع اليومية  للمتطوعين بين ال 3 الى 10 ساعات ولفترة تحضيرات تجاوزت الشهر والنصف

“جالسين بسلام ، في ارض السلام ، وعلى نغمات السلام ..”

– زهراء حسن – احد اصدقاء وحضور المهرجان لهذه السنة
هكذا وصفت لنا زهراء رؤيتها الخاصة ليوم المهرجان والناس وفي بداية عروض المسرح تحديدا 

IQPeace Media 2017

 

“We sit in peace, in the land of peace, listening to the melodies of peace”

ALDIWANIYA as the city of peace for the second time in row
ALDIWANIYA peace festival has witnessed greater activity in its second edition, 25 volunteers participated and were divided into 4 teams and 15 total booths of different varieties, the festival attracted around 2000 follower under the presence of local and international media.
The festival was sponsored by 6 different companies and civil society organizations, the volunteering period varied between 3 to 10 hours a day for a month and a half of preparations
“We sit in peace, in the land of peace, listening to the melodies of peace”
This is how -ZAHRAA HASAN one of our friends and attendees of this year’s festival – has described her own vision for this year’s festival and people at the start of the theatre shows

“السبب هو حبهم لبغداد”

علي من فريق الصيانة 

عمري ٢٧ سنة, طالب جامعي
تعرفت ع المهرجان قبل ٤ سنوات 
شفت شباب يشتغلون بحب لأجل بغداد فحبيت اكون من ضمن هاي العائلة الي تحب بغداد وحلمهه تشوف بلدهه بأحسن صورة
سنة ٢٠١٥ چانت اول سنة الي بالمهرجان 
انضميت بأكثر من فريق تشريفات واكشاك واخر شي صيانة وحبيت الشغل وياهم كمتطوع 
المهرجان كدر يضيفلي هواي شغلات بس الاساس هي التعاون والمشاركة وحب الاخرين وحب بغداد
رسالتنا للعالم هي بغداد بعدهه بخير
واذا صرنه أيد وحدة راح نكدر نعيش الحياة الي نستحقهه 
والمبادئ والقيم الاساسية هي المدنية والمسؤولية والمشاركة لاعادة اسم بغداد دار للسلام
السبب الوحيد الي يخلي هذا العدد من الشباب يشتغلون هوه حبهم لبغداد

IQPeace Media 2017

الشباب البغدادي الطموح راح يكدر يغير نظرتكم عن بغداد

هند من فريق التصوير، عمري ١٩
طالبة في المرحلة الثانية كلية الترجمة 
تعرفت على المهرجان عن طريق صديقتي لان هي مشاركة في كشك التذكارات، وهاي چانت اول سنة اشارك بيها لان العام من جيت وشفت الاجواء گلت لازم اشارك 
اني وحدة من الناس الي چنت اگول انو العراق انتهى وشبابنا مبيهم خير ومن هل حجي بس خلال هل سنتين الي عرفت بيها المهرجان خلاني اغّير نظرتي جذرياً ، وخلاني اؤمن بشبابنا والطاقات الي عدهم  
المهرجان علمني شلون احقق السلام الداخلي مع نفسي واتعايش ويه الماضي واهم شي اتقّبلها مثل ما هي
الهدف الاساسي من المهرجان هو تغيير نظرة العالم عن بغداد فلذلك مرة سافرت، فــ التقيت بناس وكولش چانوا مستغربين شون عايشين وتحس انو لو شكد متحچي محد راح يصدكك لان همه ماخذين نظرة معينة والفضل يعود للإعلام 
فــ هدفي وهدف كل المتطوعين اكيد هو تغيير هاي النظرة 
 اهلي واصدقاء شجعوني وشجعوني على تطوير موهبتي 
واوجه رسالة الى كل العالم

الشباب البغدادي الطموح راح يكدر يغير نظرتكم عن بغداد 

IQPeace Media 2017

The ambitious youth of Baghdad can change your perspective about Baghdad!

Hind, Photography team, 19 years old A student at translation department, 2nd stage I heard about the festival from a friend of mine since she participated in the souvenir booth, and this is the first time I participate in this festival because from the moment I came to the festival last year and felt the atmosphere there, I knew I had to be part of it. I used to be one of those people who say that Iraq is over and our young people are useless…etc but, knowing the festival for these two years, made me change my perspective and made me believe in our youth and the energies they have in them. The festival taught me how to achieve inner peace with myself and living with the past and most importantly accepting it as it is. The prime goal of the festival is to change the world’s perspective of Baghdad so I travelled abroad and met people there who were surprised when I told them that we live normally, and you feel no matter how hard you try to explain that to them they won’t believe you because they already have a certain perspective about this country thanks to the media. And so the volunteers’ goal and mine is for sure to change this way of thinking, my family and friends have encouraged me to improve my talents and spread the message across the whole world. The ambitious youth of Baghdad can change your perspective about Baghdad!

“نشر ثقافة الوعي بضرورة المحافظة على بغداد انظف”

سجاد من فريق المحافظة على المكان عمري 21 سنة طالب كلية ادارة واقتصاد اتعرفت على المهرجان من خلال اصدقائي الي اتطوعوا قبلي وبحثت على المهرجان اكثر في وسائل التواصل الاجتماعي وشفت افكار الشباب وطريقتهم بالحياة مقاربة لاهدافي سنة ٢٠١٧ أضميت مع فريق المحافظة على المكان وچانت اول مشاركة ليومتحمس جدا للمشاركة بالسنوات القادمة المهرجان مكان عظيم بكل شي, كمية التعب الي يبذلها المتطوعين حته يقدمون اشياء مميزة ترضي طموحاتهم ومواهبهم و ترضي الناس وتفرحهم تعبر عن الحب والسلام وكل شي حلوو خلال 4 ساعات تقريبا الي هو عمر المهرجان يوم المهرجان يوم مينوصف گدرت من خلال المهرجان أفوز باصدقاء يخبلون خلال فترة التحضيرات، ضافولي افكار وغيروا من شخصيتي ومن خلال هل الشي صرت شخص أجتماعي اكثر قيم المهرجان الاساسية المدنية والمسؤولية والمشاركة من خلال فريقي فريق المحافظة على المكان, حاولنه ننشر ثقافة الوعي وضرورة المحافظة على بغداد انظف واجمل ولاحظنة تجاوب كبير جدا من الجمهور أتمنى يعم الامن والسلام ع بغدادي الحبيبة ومحافظاتنا الجميلة كلمة اخيرة شكرا لكل المتطوعين الي بذلوا مجهود رائع، شكرا لكل واحد ساهم بنجاح المهرجان

IQPeace Media 2017

 

“Spreading the awareness culture of keeping Baghdad clean”

Sajjad is a member of the team that keeps the place clean, 21 years old, A student in Administration and Economics department I heard about the festival from my friends who volunteered before me and searched about the festival more on social media, I saw the thoughts of the youth and their lifestyle is similar to my goals and thoughts.. In 2017 I joined the preserving the place team and it was my first year to participate in this festival and I am excited to be part of the upcoming festivals in the next years The festival is a great place that’s the least that could be said, The amount of effort these volunteers have put into it to present something special that satisfies their ambition, their talents and satisfies the people and brings them happiness. The festival also reflects love, peace and everything that is great in just 4 hours which is the duration of the festival. The day of the festival is indescribable! I was able during the festival to gain great new friends just throughout the preparation stage, these people added new ideas and changed my personality and I have become a more social person. The values of the festival are to be civil, responsible and participate with my team, we tried to spread the importance to be aware of keeping Baghdad cleaner and more beautiful and we have gained a lot of positive feedback from the public I wish that Baghdad becomes a safer and more peaceful place to live and to all of our cities. And last is to say thank you to all the volunteers who worked really hard and thanks to everyone who has contributed to make this festival successful!

“كلنا أمل بالحياة سنة بعد سنة”

احمد من فريق العروض المسرحية
متخرج من كلية الفنون الجميلة – قسم التصميم
من فترة طويلة اعرف المهرجان وجنت احضر مع اصدقائي وانضميت له من خلالهم
هاي اول مشاركة الي
المهرجان كلش حلو ومرتب وشفت كلش هواية ناس تريد تعيش وتفرح وتبدي حياة جديدة وتنسى الي راح والاهم صنع بداخلي أمل جبير
المهرجان كلش حبيته وكدر يضيف الي, عرفت هواية ناس اكو تسمع نمط الغناء مالتي وانصدمت بكمية الجمهور الدعمني كلش حبيتهم
الهدف الاساسي من المهرجان بلنسبة الي هو الأمل بغد أفضل ومهرجان السلام ديكبر سنة بعد سنة ووياه الأمل

من خلال المهرجان عرفت انه اكو هواي اشخاص تحب تسمعني في بغداد وهالشي فرحني واصدقاء يحبوني

مجنت اعرف هلشي وشفته بعيني بعدين اكو مشجعين راح صوتهم من العياط والتشجيع والحماس 
كلمة اخيرة
كل شي نشوفه او نعيشه بلعراق راح نبقى هنا ونتحمل وتشوفونه نرجع دأئما كلنا أمل بالحياة سنة بعد سنة

وكل واحد بينا ديصنع امل وسلام وفرحة بطريقته الخاصة

IQPeace Media 2017

 

“We all are full of hope year after year”

Ahmed is a member of the stage show team A fine arts graduate – design dept. For a long time I knew about the peace day carnival and I was attending it with my friends, I joined the team through them and this is my first participation. The peace day carnival is a neat and nice thing, I saw a lot of people willing and wanting to live a happy new life and forget about the harsh years that they saw previously which made me feel hope. I loved the carnival for it added lots of things to me, I was shocked by the number of people who liked the music genere I sang and I was surprised by the number of supporting fans I had. The main goal of the carnival is to make a better tomorrow, and its growing day by day and hope grows along with it. Through the carnival I realized that there is a lot of people love to listen to me singing, this made me happy also made me able to make friends whom I love and they love me back also. I didn’t know all of that is possible until I saw it with my own eyes specially the fans shouting their voices out. One last word Regardless of Everything we experience here in Iraq we will still be here, we will always come back stronger and full of hope year in and year out. Each and everyone of us is making hope, peace and joy in his own way.

“المهرجان يوفر الاجواء المناسبة لتحقيق هدفك”

“المهرجان يوفر الاجواء المناسبة لتحقيق هدفك”
عبد الرحمن ليث من فريق الصيانة عمري 21 سنة
طالب تحليلات مرضية مرحلة ثانية
تعرفت على المهرجان عن طريق صديقي وشجعني اشارك, اول سنة لي كانت ب 2016 قدمت في وقتها على فريق الاطعمة والأشربة وثاني سنة 2017 أنضممت الى فريق الصيانة
مهرجان بغداد دار السلام من احسن الأمور الي سويته بحياتي واني وكل متطوع وياي في نهاية كل مهرجان نشعر بفخر بعد اكمالنا لكل مهامنا
ومن الأمور التي ضافها الي المهرجان هو شلون تتعامل مع الناس وتتقبل اراء الغير وشلون تشارك الاخرين بالافكار من اجل هدف مشترك واحد
تعلمت من فريق الصيانة هواي شغلات
مهارات النجارة و الحدادة و الكثير من المهارات
المهرجان يخليك تتعرف ع اصدقاء جدد ويصيرون من اعز الاصدقاء وشلون بالشغل دائما نضحك ومتونسين ونقضي اوقات سعيدة دائما ومن تصير مشكلة او نواجه صعوبة في شي معين الكل يشارك سوه حته نحلهه
بغداد دائما هي عاصمة السلام بجهود الشباب
واحب اوجه كلمة للشباب اذا عندك موهبة وتريد اطورها او فكرة تحاول تطبقها فمهرجان بغداد دار السلام حيوفرلك الاجواء المناسبة لتحقيق هدفك وادعوكم للأنضمام لعائلتنا وكن متأكد راح تحس سويت شي مهم بحياتك حتبقه تفتخر بي من تشوف الناس فرحانه بيوم المهرجان

Media Team 2017

“المهرجان ينطيني انطباع حلو عن بغداد”

أبراهيم من فريق الصيانة
عمري ٢٠ سنة
طالب في كلية العلوم السياسية / جامعة بغداد
تعرفت على المهرجان عن طريق أخي الي هوه أساساً متطوع في فريق تشريفات ستيج لمدة اربع سنوات
طبعاً ومن حسن حظي كدرت اتطوع بمثل هيج مهرجان يسود بي العمل الجماعي وحب العمل التطوعي من أجل بغداد
المهرجان ينطيني أنطباع حلو عن بغداد أنه بعدهه بخير وناسهه تحب تعيش بسلام
من خلال تطوعي بفريق الصيانة تطورت خبراتي بمجال الصيانة وتعلمت هواي أمور من المتطوعين الي يشتغلون وياية وتعرفت على اصدقاء كلش محبوبين وتفكيرهم مثل تفكيري
اتمنه كل الناس تشوف الي احنه نشوفه ونحس بي
وحلمي اشوف بلدي احسن بلد بالعالم

Media Team 2017

“This festival gives me a good impression about Baghdad”

Ibrahim/ maintenance team, 20 years old and a student in political science college in Baghdad university. I heard about the festival from my brother who have been volunteering in the stage supervising team for 4 years! and lucky me, I have been able to volunteer in a festival where teamwork and loving for volunteering is prevailed for Baghdad. The festival gives a good impression about Baghdad that everything is ok and the people are living in peace and harmony. Through volunteering in the maintenance team, my skills and experience have greatly improved in the maintenance field and learn a lot of things from the volunteers who work with me and met many lovely friends who think the same way I do. My wish is to make other people see and feel what we see and feel and my dream is to see my country as the greatest country in the world.